Føraropplæring for 3- og 4- hjuls moped (klasse M 147)

Opplæring i å kjøre 3- og 4-hjuls moped kan du få på skulen du går på, dersom skulen har slik opplæring, på ein trafikkskule eller hos ein kursarrangør

Opplæringa i klasse M 147 har fire trinn. Det er viktig å ha nådd målet for eitt trinn for å ha godt utbytte av opplæringa på det neste.

Obligatorisk opplæring
Ein del av opplæringa er obligatorisk, desse timane må du ta hos ein av opplæringsinstitusjonane vi nemnde over. I tillegg må du ta kjøretimar og øve så mykje at du blir god nok! På visse vilkår er det også lov å øvingskjøre privat øvingskjøring

Gode råd

• Ta teorikurs på trafikkskulen! (Teorikurs må ikkje forvekslast med trafikalt grunnkurs)
• Kjøp deg læremateriell gjennom trafikkskule, i bokhandelen eller på internett
• Les læreboka grundig fleire gonger
• Lær deg kunnskapsstoffet på same tid som du tek praktisk opplæring, då sit det betre
• Å berre løyse oppgåver på nettet er ikkje nok til å lære stoffet

Mål og innhald
Du finn meir om måla for opplæringa, og innhaldet i dei fire trinna, i trafikkopplæringsforskrifta og læreplanen