Trinn 4 Avsluttande opplæring

Klasse B: på dette trinnet skal du bli så god at du kan kjøre på ein ansvarleg måte og i god samhandling med andre trafikantar. Du skal bl.a. kunne velje kjøremåtar med låg risiko, kunne motverke at det skjer ulykker og vere bevisst på korleis du kan forbetre deg som bilførar også etter at du har fått førarkort.

Individuell tilpassing og mengdetrening
Noko av opplæringa på dette trinnet er obligatorisk (sjå nedanfor). Dette er til vanleg ikkje nok til å nå hovudmålet. Det er viktig at du i tillegg øver tilstrekkeleg på trafikkskule eller privat. Så sant du kan få det til, bør du øvingskjøre fleire tusen kilometer før du går opp til prøve. (lenke til mengdetrening)

Obligatorisk sikkerheitskurs på veg
Dette kurset er på i alt 13 timar. Det har fire delar:

• Del 1 Bilkjøringas risiko
• Del 2 Kjøring i landevegsmiljø og forbikjøring
• Del 3 Avsluttande kjøring i variert trafikkmiljø
• Del 4 Refleksjon og oppsummering

For å ha godt utbytte, er det viktig at du er god nok frå før. Ideelt burde du vere god nok til å greie praktisk førarprøve før du tek dette kurset!

Gjennom kurset skal du vidareutvikle

• forståing for risikoen ved bilkjøring
• evne til å motverke bl.a. møte-, utforkjørings- og forbikjøringsulykker
• evne til å vurdere deg sjølv som førar

Klasse BE:

På dette trinnet skal du bli så god at du kan kjøre på ein ansvarleg måte og i god samhandling med andre trafikantar. Du skal bl.a. kunne velje kjøremåtar med låg risiko, kunne motverke at det skjer ulykker og vere bevisst på korleis du kan forbetre deg som bilførar også etter at du har fått førarkort. 

• bli så god at du kan kjøre bil med tilhengar på ein ansvarleg måte i god samhandling med andre i trafikken
• gjennomføre kurs i sikring og merking av last

Obligatorisk kurs i sikring og merking av last
Dette kurset er på 2 timar. Kurset skal hjelpe deg til å forstå kor viktig det er å sikre og merke last, og til å lære måtar å sikre lasta på.