Mørkekjøring

Mørkekjøringa er ein del av trafikalt grunnkurs

Du lærer om

• årsakssamanhengar ved ulykker i mørket
• vurdering av risiko
• rett lysbruk og åtferd elles ved kjøring, parkering og nødstopp i mørket

Ved den praktiske demonstrasjonen i bil i reelle trafikksituasjonar er det trafikklæraren som kjører, du som elev er passasjer.

I den lyse årstida er det umogleg å ta mørkekjøring. Då kan du fullføre trafikalt grunnkurs og begynne å øvingskjøre utan. Men OBS! Sjå nedanfor:

Bevis for å kunne øvingskjøre

• Tek du trafikalt grunnkurs i tida 16. mars – 31. oktober utan å få gjennomført mørkekjøring, er beviset gyldig berre til 31. januar året etter
• Du må gjennomføre mørkekjøring før denne datoen. Deretter får du tilsendt nytt bevis frå Statens vegvesen, og kan halde fram med å øvingskjøre
• Gjennomfører du ikkje mørkekjøringa i tide, mistar du retten til å øvingskjøre

Mørkekjøringa er ein viktig del av føraropplæringa som alle bør ta så tidleg som mogleg.

(Tok du trafikalt grunnkurs utan mørkekjøring før 2009, er ikkje beviset ditt tidsavgrensa.)