Øvingskjøring i klasse B og BE

Det er viktig å øvingskjøre mykje før du tek ”lappen”!

Høg ulykkesrisiko heng i stor grad saman med lite kjøreerfaring. For å redusere risikoen, bør du kjøre mykje før førarprøva.

Du får større utbytte av opplæringa på trafikkskulen om du på same tid øver privat. I tillegg får du nyttig erfaring.

Les meir på sida Øvelseskjøring 

OBS! Øvingskjøring må ikkje vere til fare eller unødig ulempe for annan trafikk!

For å kunne øvingskjøre i klasse B må du

• vere fylt 16 år
• ha fullført trafikalt grunnkurs
• ha med anten bevis for fullført trafikalt grunnkurs og legitimasjon, eller førarkort i ein annan klasse

Frå 1. juli 2009 vil personar som er over 25 år vere fritekne frå delar av trafikalt grunnkurs. Dette inneber at desse kan øvingskjøre utan å ha kurset. Akseptabel legitimasjon med bilde som stadfestar at ein er over 25 år må takast med under kjøring. 

Den som er med deg

• må vere fylt 25 år
• må ha hatt førerett for bil samanhengande dei siste 5 åra
• NB! Kan ikkje ta betaling, sjå lengre ned på sida.

Bilen må

• vere merka bak med ein godt synleg raud L på kvit bakgrunn (sjå til venstre nedst på sida)
• ha ekstra spegel for den som er med deg
• tilhøyre klasse B (tillaten totalvekt ikkje over 3500 kg)

Øvingsområdet:

• Må veljast etter kor langt du er komen i opplæringa
• Unngå øving i tett trafikk og høg fart før du er god nok til å følgje trafikkrytmen
• Du har ikkje lov til å øvingskjøre i utlandet

På øvingsbane eller avsperra område er det lov å øvingskjøre når den som er med deg har visuell kontakt og kan instruere deg

NB! Opplæring mot vederlag:

Det blir rekna som opplæring mot vederlag når den som sit ved sida av får betaling for å vera med, same kven som betaler. Det er viktig å merke seg dette, ettersom det blir stilt meir omfattande krav til kjøretøy, lærar osv når opplæringa skjer mot vederlag.

For å kunne øvingskjøre i klasse BE  må du

• vere fylt 16 år
• ha fullført trafikalt grunnkurs
• ha med anten bevis for fullført trafikalt grunnkurs og legitimasjon, eller førarkort i ein annan klasse

bør du

• ha førarkort i klasse B eller ha gjennomført opplæring i denne klassen

Den som er med deg

• må vere fylt 25 år
• må ha hatt førerett i klasse BE samanhengande dei siste 5 åra
• NB! Kan ikkje ta betaling

Bilen må

• tilhøyre klasse B (tillaten totalvekt ikkje over 3500 kg)
• ha speglar som gjev godt utsyn bakover, sjå lengre ned på sida

Tilhengaren må

• ha aktuell totalvekt som ikkje er over det som er fastsett i vognkortet for bilen

Øvingsområdet:

• Må veljast etter kor langt du er komen i opplæringa
• Du har ikkje lov til å øvingskjøre i utlandet

Krav til speglar når du kjører med tilhengar:

Generelt:

• Minst ein spegel skal gje slikt synsfelt at du ser sida på tilhengaren

Når tilhengaren er like brei eller breiare enn bilen skal du kunne sjå

• sida på tilhengaren i begge speglane
• vegbanen på venstre side 10 m bak deg i ei breidde på minst 2,5 m
• vegbanen på høgre side bak deg i ei breidde på minst 2,0 meter

Rettleiing om opplæring, øvingskjøring og mengdetrening:

For deg som skal ta førarkort i klasse B, har Statens vegvesen gjeve ut eit nyttig informasjonshefte. Last ned frå lenken under.

Reglane om øvingskjøring er ulike i alle land. Legg difor ikkje øvingskjøring i privat regi til utlandet. For å øvingskøyra i Sverige må følgjeperson ha gjennomgått ei spesiell opplæring og registrert seg hjå myndigheitene. I Danmark er forbode å øvingskøyra privat.