Klart for nytt møte i samarbeidsgruppa

Onsdag 1. september samlast mellom andre berørte fylkeskommunar og kommunar igjen for å diskutere korleis E39 mellom Aksdal og Bergen skal sjå ut i framtida. [30.08.2010]

Møtet varer frå  kl. 09.00 til 12.00 på Stord Hotell, Leirvik

Plan for dagen
På møtet skal ein gå gjennom
- variantar av dei tre hovudkonsepta for strekninga: ytre-, midtre- og indre linje
- ei situasjonsskildring av området i dag
- ei oppsummering av dei behova på strekninga som kom fram på arbeidsverkstaden 14. juni

Hensikta med utgreiinga er å avklare korleis transportbehova mellom Aksdal og Bergen kan løysast på beste måte. Innspel frå eksterne samarbeidspartnarar, som kommunar, fylkeskommunar, næringsliv og organisasjonar, er sentralt i arbeidet.

I samarbeidsgruppa har Statens vegvesen invitert Hordaland og Rogaland fylkeskommunar, berørte kommunar og andre statlege etatar til å vere med.

Utgreiinga er i full gang og skal etter planen vere ferdig rundt årsskiftet. Samarbeidsgruppa hadde eit innleiande møte på Stord 19. mai, og i tillegg var gruppa med på verkstad 14. juni.