Hardangerbrua er planlagt som ei tofelts hengebru med gang og sykkelveg. Brua får eit hovudspenn på 1310 m og ei total lengde på 1380 m. Hardangerbrua vil bli den lengste hengebrua i Norge.

3D illustrasjon: Hardangerbrua

Bru-tårna får høgde 200 m over fjorden. Seglingshøgda er planlagt til 55 m.

Prosjektet omfattar også 2,4 km tunnel og 0,8 km veg i dagen. I tillegg skal det byggest 0,9 km gang- og sykkelveg fram til brua.

28. februar 2006 vart Hardangerbrua vedtatt i Stortinget.
Prosjektering av brua er utført av bruseksjonen i Vegdirektoratet i samarbeid med innleigde konsulentar. Dette arbeidet starta i slutten av mars 2006. Statens vegvesen Region vest har ansvar for prosjektering av tilførselsvegar og tunnelar. Bygging av tilførselsvegar starta 26. februar 2009. Bygging av brutårn starta 7. oktober 2009.