Vaskar Vallaviktunnelen

Det nærmar seg start på elektroarbeidet i Vallaviktunnelen. Men først må den 7.510 meter lange tunnelen gjennom ein skikkeleg rundvask. [14.12.2011]

Arbeidet med elektroinstallasjonar til Hardangerbrua omfattar også fornying av elektro-anlegget i den eksisterande rv. 13 Vallaviktunnelen. Etter planen skal entreprenøren starta med elekro-arbeidet 9. januar 2012.

Kolonnekøyring
Som ein del av førebuingane til arbeidet skal det dei komande to nettene gjennomførast vasking av Vallaviktunnelen. Arbeidet pågår på kvelds- og nattestid mellom kl. 21.00 og 06.00. Arbeidet tek til i dag, 14. desember, og vil halda fram også 15. desember til same tid.
Medan jobben blir utført vil det bli kolonnekøyring gjennom tunnelen. Kolonnetidene blir tilplassa ferjeavgangane mellom Bruravik og Brimnes.
Det er AF Gruppen som har ansvaret for vaskinga, som blir gjennomført av underentreprenøren Presis vei.