Eksisterande E16 frå Eidsbru til Varpe har dårleg standard. Dette er ei utfordring heile året, men spesielt om vinteren då store køyretøy får problem på strekninga. Utbetringa omfattar bygging av ny E16, med unntak av to kilometer av strekninga som har vore utbetra til riksvegstandard tidlegare.

Det overordna målet med prosjektet er å betre regulariteten, redusere transportkostnadane og redusere risiko for trafikantane. I NTP-perioden fram til 2019 skal heile strekninga over Filefjell mellom Øye i Valdres og Borlaug i Lærdal bli utbetra.