Eksisterande E16 frå Øye til Eidsbru har etter måten dårleg standard og går gjennom tettstaden Øye. Statens vegvesen har no starta opp arbeidet med reguleringsplan for denne strekninga. Målet med reguleringsplanen er å planlegge ny parsell av E16 etter riksvegstandard.

Oversiktsbilete over Øye. Ny veg vil gå om lag som den lilla linja lengst til venstre.

Det føreligg ein godkjent kommunedelplan for strekninga, og denne ligg til grunn for trasevalet. Etter kommunedelplanen skal vegen leggast utanom Øye sentrum på vestsida av dalføret. Den nye vegen vil bli om lag 4,1 km lang, derav om lag 1,4 km i tunnel.