Statens vegvesen har utarbeidd reguleringsplan for E16 på Filefjell, frå Oppland grense til Smedalsosen.

Smedalsvatna sett frå Slutedalen. E16 går langs bortsida av vatna med Buhaugane der vatna møtes.

Målet med reguleringsplanen var å planlegge utbetring av E16 for å heve standard på vegen. Eit anna viktig mål var å betre vintertilhøva på vegen slik at den vert lettare å vedlikehalde og halde open på vinterstid.

Etter høyring av planen og Statens vegvesen si handsaming av innspela vedtok formannskapet i Lærdal kommune at planen skulle leggast ut på ny høyring. Høyring av revidert plan var frå 6.juli til 24.august 2011.

I byrjinga av september vart den reviderte planen sendt til Lærdal kommune for slutthandsaming.

Planen vart vedteken, og det gjenstår no klagehandsaming.