Reguleringsplanen går frå Borlaug til Brusestølen/Smedalsosen og regulerer ny trase for ca. 10 km av E16.

På Borlaug inkluderer det ca. 400 meter av E16 frå krysset mot Lærdal, ca. 100 meter av rv. 52, utviding av oppstillingsplassar for kolonne, nytt areal til drift av kolonne/ vintervedlikehald og private vegar og parkeringsplassar.

Frå Borlaug går vegen langs elva før han svingar inn gjennom Borlaugshagen og vidare i tunnel til Honingane. Rett etter tunnelen er det planlagt kjettingplassar. Det er oppstillingsplass for kolonner nedanfor brøytestasjonen.

Det er søkt løysingar for å lage samanhengande turveg gjennom dalen. Turvegane er gang- og sykkelveg på eksisterande E16, stiar/turvegar i/nær vegskråningane og koplingar mot den historiske Kongevegen.