Førjulsgåve i Austefjorden

Statens vegvesen opna 5,5 km av den framtidige E39 Kvivsvegen 15. desember. No kan trafikken gå utanom tettstaden Fyrde og gi tryggare skuleveg til ungane – heile 9 månader før resten av Kvivsvegen vert opna. [16.12.2011]

- Tunnelane og vegen var likevel ferdige og det var eit sterkt lokalt ønskje om å ta dei i bruk. Vi syntes heller ikkje det var riktig at dei skulle stå ubrukte heilt fram til september neste år, seier prosjektleiar Oddbjørn Pladsen i Statens vegvesen.

Det er den 1125 meter lange Fyrdsbergtunnelen, 170 meter lange Damfosstunnelen og over 4 kilometer veg mellom Geitvika og krysset ved Eidsvatnet som vert opna.

Tunnelane er godkjente av Vegdirektoratet og tryggingsutstyret er direkte kopla opp mot Vegtrafikksentralen. Fram til resten av Kvivsvegen opnar 22. september 2011 vil det vere skilta som anleggsområde og fartsgrensa er satt ned til 50 km/t.

Fakta om strekninga

Første salve Fyrdsbergtunnelen	Rasmus R. Aarflot, 12.11.2010
Gjennomslag Fyrdsbergtunnelen	Ragnhild Aarflot Kalland, 10.05.2011
Lengde Fyrdsbergtunnelen	1125 meter
Lengde Damfosstunnelen	170 meter
Sprengingsvolum	82 000 m3
Boltar til fjellsikring	5063 boltar (4,5 pr. meter i snitt)
Sprøytebetong til fjellsikring	3115 m3 (2,8 m3 pr. meter tunnel)
Vass- og frostsikring	21 000 m2
Vegar i dagen	ca 4000 meter
Hovudentreprenør	Mesta AS
Underentreprenør massetransport og vegbygging	K. A. Aurstad AS
Elektroarbeid	One Kraftmontasje
Total lengd på opna veg	5500 meter