Framdrift

Kommunedelplan/konsekvensutgreiing

Statens vegvesen utarbeidde kommunedelplanar med konsekvensutgreiing i juli 2007, og desse har vore på høyring. Etter avklaring i KS1-ordninga blir planane no sendte over til kommunane for vedtak i løpet av hausten 2009.

KS1/Konseptvalutgreiing

E39 Rogfast var pilotprosjekt for ordninga med kvalitetssikring av prosjekt i tidleg planfase (KS1) i samferdselssektoren. Som ledd i dette utarbeidde Statens vegvesen ei Konseptvalutgreiing i februar 2007. Denne har vore kvalitetssikra av ekstern konsulent, og dei leverte sin rapport til Samferdselsdepartementet i desember 2007. Regjeringa behandla saken i mai 2009, og har avklara at arbeidet med konsekvensutgreiing/kommunedelplanar skal sluttførast.

Nasjonal Transportplan 2010-19

Prosjektet er prioritert i siste del av perioden under føresetnad av at det er lokal aksept for delfinansiering med bompengar.