Bygging av gang- og sykkelveg ved fv. 55 i Høyanger kommune. Anlegget ligg på nordsida av Sognefjorden mellom Vadheim og Høyanger.

Prosjektet omfattar bygging av gang- og sykkelveg på to strekningar langs med fv. 55 på Kyrkjebø i Høyanger kommune. Desse er Ljotebø-Tronvik i vest og Håland-Austreim i øst. Ny gang- og sykkelveg vert ei forlenging av eksisterande gang- og sykkelveg mellom Tronvik og Håland slik at det vert samanhengande gang- og sykkelveg frå vestsida av Ljotebøelvi til og med Austreimselva. Lengda på dei to strekningane tilsaman er 1,7 km og dette vil gi ein samanhengande gang- og sykkelveg på i underkant av 4 km. I tillegg vert om lag 0,8 km av riksvegen lagt om.