Dette er eit skredsikringsprosjekt. Fylkesveg 572 i Ulvik herad skal sikrast mot skred ved Eddegjelet og Torgilsberget. Det er planlagt bygging av 790 meter tunnel. I tillegg skal vegen inn mot begge tunnelmunningane utbetrast. Anlegget omfattar totalt 1500 meter veg.

Biletet viser vegen ved Torgilsberget. Skredregistret til Statens vegvesen inneheld svært mange registreringar frå dette området. Her er nedfall av stein og is frå skjeringa og i tillegg skred som kjem frå stor høgde. Høg skjering og stupbratt fjellside vidare oppover gjer at vi vurderer tunnel som den beste løysing for sikring av vegen.