Prosjektomtale

Rassikringsprosjektet fv. 60 Røyr-Hellesylt inneber ei forlenging av to tunnelar. Ljønibbetunnelen blir 3600 meter og Streketunnelen blir 3850 meter. To korte tunnelar som var på strekninga blir stengt.

Vegen i tunnelane får to køyrefelt. Kvart felt er 3,25 meter. Ljønibbetunnelen har ei stigning på 4,6 prosent. Streketunnelen har ei stigning på 6,8 prosent. Vegane i dagen blir utvida innover frå den eksisterande vegen.
Prosjektet starta i mai 2009 og har tre byggesteg:

Første byggesteg

Forlenging og rehabilitering av Streketunnelen. Det er bygd om lag 1200 meter ny tunnel. 700 meter av den eksisterande tunnelen er utvida og oppgradert: Vegen er senka, tunnelen er sikra, det er sett opp ny sikring mot vatn og frost og montert heilt nye elektriske installasjonar. Første byggesteg opna 17. juni 2011.

Andre byggesteg

Streketunnelen nord - 1850 meter ny tunnel frå den eksisterande Streketunnelen til Ljøen. Steinmassane skal brukast til rasvollar mellom Røyr og Herdalen.

Det skal byggast om lag 500 meter veg i dagen på Ljøen og ei ny 56 meter lang bru over Ljøelva. Ved brua skal det byggast eit utsiktspunkt mot Geirangerfjorden og Sunnylvsfjorden.

Kostnadsoverslag på andre byggesteg er 250 millionar kroner. Arbeidet starta 18. mars 2011 og skal etter planane vere ferdig hausten 2013. Møre og Romsdal fylkeskommune forskutterar om lag 100 mill. kr til andre byggesteg for å sikre framdrifta i prosjektet.

Framdrift andre byggesteg

Oppstart	Kva	Planlagt ferdigstilling
Mars 2011	Fjellsikring, forskjering Streketunnelen nord og natursteinsmur Ljøen	September 2011
Oktober 2011	Streketunnelen nord	September 2013
April 2012	Ljøbrua	November 2012
August 2012	Utsiktspunkt på Ljøen	Juni 2013
August 2013	Testing og godkjenningsprosedyrar	September 2013
	Opning for trafikk på andre byggesteg	Oktober 2013

Tredje byggesteg

Forlenging av Ljønibbetunnelen sørover med 1385 meter og oppgradering av 2,2 km eksisterande tunnel. Alternativt heilt ny tunnel. Kostnadsoverslag: 330 millionar 2008-kronar. Det er ikkje løyvd pengar til tredje byggesteg. Oppstarten er difor usikker.