Fakta om strekninga

• Strekning: Balestrand-Moskog
• Vegnummer: Fv.13/55
• Lengde: 92 km
• Kommunar: Gaular, Balestrand og Førde
• Fylke: Sogn og Fjordane

Utsikta frå vindauget på bilen er ein viktig del av opplevinga når du kjører ein Nasjonal turistveg. Mange stader er landskapet i ferd med å gro igjen. Utsiktsrydding er ein viktig del av arbeidet med turistvegane. Det er utført utsiktsrydding på denne turistvegstrekninga i to omgangar, i 2004/05 og i 2008. Noko av dette er utført i regi av landbruksavdelingen hjå Fylkesmannen i Sogn og Fjordane sitt prosjekt ”opne landskap”.

Statens vegvesen har delteke i finansiering av ei stilling knytta til næringsutvikling på denne strekninga og har gått inn med planmidlar til fleire tiltak i privat/kommunal regi.