Likholefossen

• Kva: Parkering, gangbru over elva, liten rasteplass.
• Arkitekt: Nordplan – Arild Waage
• Fullført: 2006

Likholefossen er valt som stoppestad ut frå eit ønskje om at folk skal få nærkontakt med ein av dei mange flotte fossane i Gaularvassdraget. Stålbrua over denne fossen gir ei heilt spesiell oppleving, særleg når vassføringa i elva er stor. Det er også kobling vidare frå brua til vandring på ”fossestien” langs det verna vassdraget. Det er laga til ein enkel parkeringsplass og sitjegrupper langs stien bort til brua.