Fakta om strekninga

• Strekning: Langevatn-Sogge bru
• Vegnummer: Fv. 63
• Lengde: 104 km
• Kommunar: Rauma, Norddal og Stranda
• Fylke: Møre og Romsdal

Langs Nasjonal turistveg Geiranger-Trollstigen har det vore omfattande turistaktivitet over meir enn 100 år, med godt utbygd servicetilbod og stor aktivitet innan reiseliv. Saman med status som verdensarvområde (Geirangerfjorden og området rundt) har arbeidet rundt Nasjonal turistveg medført auka aktivitet og investeringslyst langs heile strekninga, både som direkte og indirekte effekt av prosjektet.

Næringsutvikling i turistvegområdet:

Juvet Landskapshotell
Statens vegvesen har ytt bistand til planlegginga av Juvet landskapshotell i Norddal, like ved Gudbrandsjuvet. Det er her satsa fleire titals millionar kroner for å kunne tilby eit heilt unikt konsept på opplevingar og aktivitet, retta mot eit kravstort og kjøpesterkt segment i reiselivsmarknaden. Eigar og byggherre er Knut Slinning. Arkitekt: Jensen & Skodvin AS.

Marinatomta, Geiranger sentrum
Statens vegvesen har gitt tilskot til planlegging. Forprosjektet er ferdig og planane ligg hos Stranda kommune og Møre og Romsdal fylke. Bygging føresett finansiering frå Stranda kommune. Arkitekt: Reiulf Ramstad AS.

Kulturlandskap
Utsiktsrydding og skogskjøtsel, ivaretaking av kulturlandskap, tilrettelegging for satsing på lokal mat i reiselivsamanheng og tilrettelegging for turistar for vandring i naturen har fått auka fokus gjennom prosjektet

Reiselivet
Langs strekninga Geiranger-Trollstigen er det etablert og under planlegging ei lang rekke tilretteleggingar for og av reiselivet i tilknyting til eksisterande reiselivsverksemder.