Slik vert Haugalandspakken finansiert

Haugalandspakken vert finansiert av bompengar, statlege midlar og fylkeskommunale midlar. Den samla økonomiske kostnadsramma for utbygginga er på rundt 2,7 milliardar kroner.

Bompengeinnkrevjinga vedtatt politisk

Stortingsproposisjon nr. 57 (2006–2007) "Om delvis bompengefinansiering av prosjekt og tiltak på Haugalandet i Rogaland og Hordaland" vart vedtatt i Stortinget 14. juni 2007.

På lokalpolitisk nivå har alle dei involverte kommunane i Haugalandspakken slutta seg til bompengeordninga.

Stortingsproposisjon nr. 57 omfattar likevel ikkje Karmøy, fordi Karmøy kommune tidlegare gjekk mot bompengeinnkreving.

Våren 2007 vart bompengesaka tatt opp på nytt i Karmøy kommune, og kommunestyret gjekk då inn for innkreving av bompengar.

2. juni 2008 vart saka om å utvide Haugalandspakken til også å gjelde Karmøy vedtatt i Stortinget.

Bompengane sikrar mykje av finansieringa

Bompengane er tenkt å utgjere rundt 70 % av finansieringsgrunnlaget for gjennomføringa av alle prosjekta og tiltaka i Haugalandspakken. 

I stortingsproposisjonen er det lagt opp til ei netto bompengeinntekt på 116 millionar kroner det første innkrevingsåret viss ein reknar med bomstasjonane på Karmøy, 70 millionar kroner utan dei.

Nettoinntekta over 15 år er rekna til å verte 1770 millionar kroner med Karmøy, 1040 millionar kroner utan. 

Det første året kjem mykje av inntektene å gå til kostnader i samband med etableringa av bompengestasjonane og -systemet. Etableringa er kostnadsrekna til 80 millionar kroner viss ein reknar med Karmøy, 60 millionar utan.

Innkrevjingsperioden av bompengar er sett til 15 år.