Korleis skal rekkefølgja over prosjekta avgjerast?

Haugalandspakken omfattar ei rad større og mindre tiltak og prosjekt i dei sju involverte kommunane. Men rekkefølgja prosjekta og tiltaka skal gjennomførast i, er ikkje bestemt, det vert avgjort etter kvart.

To grupper er oppretta i samband med dette:

• ei politisk styringsgruppe
• ei administrativ koordineringsgruppe

Einar Færaas, Statens vegvesen, er tilsett som prosjektkoordinator for Haugalandspakken.

Tom Tvedt, fylkesordførar i Rogaland, er leiar for den politiske styringsgruppa, som elles består av politiske representantar frå Rogaland fylkeskommune og dei sju involverte kommunane. Statens vegvesen ved Einar Færaas er sekretær for gruppa. 

Representantar frå administrasjonen i Rogaland fylkeskommune og dei involverte kommunane sit i den administrative koordineringsgruppa saman med representantar frå Statens vegvesen og éin felles representant for Fylkesmannen i Rogaland og Fylkesmannen i Hordaland. Astrid Eide*, Vegvesenet sin distriktssjef i Haugaland og Sunnhordland distrikt, leiar gruppa, medan prosjektkoordinator Einar Færaas er sekretær.

Korleis fungerer beslutningsprosessen?

Vi skal prøve å gje ei grov framstilling av det under, steg for steg frå 1 til 9: 

1. Statens vegvesen utarbeidar på fagleg grunnlag eit forslag til rekkefølgje over prosjekta i Haugalandspakken.
2. Forslaget sendast til den administrative koordineringsgruppa.
3. Koordineringsgruppa vurderer på fagleg grunnlag forslaget og kan i si behandling endra den føreslåtte prioriteringa.
4. Koordineringsgruppa utarbeidar sitt forslag, som sendast til den politiske styringsgruppa.
5. Styringsgruppa vurderer forslaget og kan i si behandling endra den føreslåtte prioriteringa frå koordineringsgruppa.
6. Styringsgruppa utarbeidar sitt forslag over prioriteringsrekkefølgja over prosjekta i Haugalandspakken.
7. Forslaget sendast til fylkestinget i Rogaland.
8. Fylkestinget tek den endelege avgjersla når det gjeld prosjekt på riksvegar.
9. Stortinget fattar vedtak som gjeld stamvegar (europavegar) etter anbefaling fra fylkestinget og innstilling frå Vegdirektoratet.

Koordineringsgruppa kjem til å ha eitt møte annankvar månad, det første 17. desember 2007. For den andre gruppa vil møtefrekvensen truleg variere meir.

* Astrid Eide er i permisjon. Ivar Torkildsen stiller som leiar i staden.