Statens vegvesen arbeider med utgreiingar for framtidig trasé for stamvegen over E134 Haukeli. Ny trasé E134 Vågslid–Telemark grense–Røldal–Jøsendal–Grostøl.

Stamvegen E134 gjennom Røldal og over Haukeli er ein av fleire stamvegar mellom aust og vest i Norge. Vegen sin sambindingsfunksjon aust-vest er særleg viktig for næringslivet sør for Hardangerfjorden. Tungtrafikkandelen på vegen er på 20 %. Analysar som er gjort i samband med stamvegutgreiingane til NTP slår fast at dagens E134 over Haukeli er ei viktig sambindingsåre aust–vest, og at sambandet med bygginga av fleire planlagde vegprosjekt i Rogaland, vil vera eit enda viktigare aust–vest samband i framtida

Det er utarbeidd kommunedelplan med konsekvensutgreiing. Planområdet dekker strekningen Vågslid i Vinje kommune (Telemark) til Grostøl i Odda kommune (Hordaland).

Eventuell bygging av ny trasé for E134 Vågslid–Telemark grense–Røldal–Jøsendal–Grostøl, vil korte ned køyrelengda med mellom 10–15 km alt etter val av løysing. Samtidig vil vegtraséen få gode stigningsforhold og hovudtrafikken vil bli lagt utanom tettstaden Røldal.