Statens vegvesen starta i 2007 arbeidet med å ruste opp og sikre tunnelar over E134 Haukeli og Røldalsfjell. Målet er tryggare ferdsel for alle trafikant-grupper.

Tunnelane over Haukeli og Røldalsfjellet var for låge og har såleis skapt farlige situasjonar. Mange av dei største vogntoga har måtta køyre sentrisk for ikkje å ta oppi taket og dette medfører stor fare for møtande trafikk.

Utbetringsarbeidet omfattar følgjande:

• Utviding til 4,20 meter fri høgd over to køyrebaner på til saman 6,00 meters breidde
• Generelle rensk- og sikringsarbeid
• Utskifting, reparasjon og supplering av vatn- og frostsikring
• Brannsikring av eksisterande PE-skum.
• Utbetring av lysanlegg
• Oppretting av vegdekke

For info om køyretilhøve, ring tlf. 175.

Verna vegmiljø

Dei gamle vegane over Haukeli er verna gjennom Statens vegvesen sin eigen verneplan av 2002. Strossing av tunnelane er avklara med vernemyndigheitene, Vegdirektoratet og Norsk vegmuseum. Grunngjeving: Vern skal ikkje gå ut over trafikktryggleiken. I dette tilhøvet gjeld det også nye krav til sikringsutstyr i tunnelar.