Miljøaspektet

Det vil bli utarbeidd eit eige miljøoppfølgingsprogram samtidig med konkurransegrunnlaget.

I forhold til miljø og omgivnader kan følgjande eksterne rammevilkår for Jondalstunnelen med tilførselsvegar listast opp:

• Omsynet til landskapet skal sikrast gjennom utarbeiding av ei estetisk rettleiing og gjennom vidare arbeid i anleggsfasen. Ulike prinsipp for utforming av det nye terrenget på ulike deponi, fyllingar, planting av ny vegetasjon m.v., krav til utforming av tekniske anlegg og byggverk skal gå fram av planane. Alle inngrep som vert gjort i samband med veganlegget skal utførast mest mogeleg forsiktig og med omtanke for terreng og utsjånad. Noverande vegetasjon skal takast vare på i størst mogeleg utstrekning. Terrenghandsaming skal gjerast ferdig samtidig som resten av veganlegget.
• Støytiltak for bustadar vil bli utført etter plan som vist i reguleringsplanhefte.
• Eventuell dumping  av overskotsmassar i sjø på godkjente deponi, skal handterast etter gjeldande forskrifter (Forurensningsloven og Havne- og farvannsloven).
• Arkeologisk gransking av det automatisk freda kulturminne, to fragment av ein geil er gjennomført og området er frigitt..
• Riggareal og anleggsvegar skal settast i stand etter at anlegget er avslutta. Reguleringsplanen beskriv kva dei ulike areala skal nyttast til etterpå.
• Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservatoren få melding for ei nærare gransking på staden, jamfør Kulturminnelova § 8, 2 ledd.