Gjennomslag i november

Godt nytt for alle som gler seg på snarvegen mellom Nordrepollen og Skiparvik; I november går gjennomslagssalva i Jondalstunnelen. Og på seinsommaren neste år skal tunnelen kunne køyrast, dersom alt går som det skal [23.09.2011]

I dag står det att om lag 600 meter fjell mellom søndre og nordre inngang.

Anna arbeid
Torsnestunnelen er snart ferdig, her held entreprenøren på med uteområda. Elles pågår arbeidet med utviding av Bergfjelltunnelen, noko som vil vare i ca. to månader til.

Elektro
Fire tilbod på elektroarbeid har kome inn og er kontrollrekna. Kvinnherad elektro kom med lågast tilbod, men det er pr. dato ikkje avgjort kven som får jobben. Arbeidet omfattar alt elektroarbeid på heile prosjektet, det vil seie alle tre tunnelane med lys, ventilasjon og tryggingsutstyr.

Det er bra dimensjoner på forskalingsdelane. Her vert portalforskalinga flytta etter at eine portalen for Torsnestunnelen er ferdig støypt. Foto Hallvor Solheim.