Status mai 2011

Prosjektet Jondalstunnelen held tidsplana og 9. mai var det att 2846 meter fjell å sprenge ut før gjennomslag. [18.05.2011]

- Det vert nok i god tid før jul, lovar assisterande byggeleiar Per Inge Naterstad.

Så langt Jondalstunnelen
Det er sprengt 4460 meter inn frå Nordrepollen og 2744 meter inn frå Torsnes-sida. Dei arbeider seg no innover i tunnelen med sikring, veg og grøfter. Så vert det lagt asfalt etter kvart, såleis har 2 km frå sør og 1,2 km frå nord fått svart dekke.

Elektroarbeida ligg ikkje i den eksisterande avtalen med entreprenør Kruse Smith AS, og skal difor lysast ut i eige tilbod før sommarferien.

Brua over Øyreselva vart ferdig støypt i veka etter påske og Køylobrua skal støypast før ferien.

Torsnestunnelen
I sjølve tunnelen foregår betongkontroll og førebuing til vatn- og frostsikring. 

Mellom Torsnestunnelen og eksisterande veg er den nye vegen under bygging. Her vert mykje sprengingsarbeid for å få vegen på rett plass i det skrånande terrenget. Og mykje massetransport.