Riksveg 13 mellom Voss og Granvin er eit viktig nord-sør samband i indre del av Hordaland fylke. Vegen er mellom anna bindeleddet mellom E16 og rv. 7/E134. Dette delprosjektet av Vossapakko vart opna 20. desember 2011.

Strekninga hadde svært dårleg standard:
• smal veg med ujamn kurvatur, dårleg bæreevne
• stor stigning (Skjervet)
• høgare ulukkestal enn normalt
• dårleg tilbod for gåande og syklande
• stor fare for ureining av verna vassdrag ved ulukker på rv.13

Den låge vegstandarden medførte store problem i høve til framkomst, trafikktryggleik og miljø. Typiske ulukker var vogntog som velta og bilar som køyrde seg fast. Trafikken på strekninga var i planleggingsperioden om lag 2000 kjøyretøy pr. døger (ÅDT), og tungtrafikken var rekna til om lag 14 %.

Reguleringsplan for ny rv. 13 Øvre Granvin–Voss grense vart godkjent av heradstyret i Granvin 11. desember 2002 og 14. desember 2004. Den regulerte, nye vegen var 6,5 km lang, av dette 3,5 km tunnel.

På denne parsellen har det i ettertid skjedd betydelege planendringar. Planlagt miljøtunnel på 400 m bak bebyggelsen i Øvre Granvin vart tatt ut av Vossapakko. Dette fordi det i 2007 gjekk ras like aust om planlagt tunnelpåhogg ved Granvinsvatnet. Her vert det regulert inn ein betydeleg lengre tunnel på ca 1900 m; forbi det rasfarlege Joberget. Det er sett av midlar til denne tunnelen i NTP 2014-2019.

Frå Seim og opp til Svelgane (Voss grense) var det planlagt to tunnelar, med 1500 m dagstrekning mellom tunnelane. Ein risikoanalyse/ TS-revisjon av reguleringsplanen viste fleire risikofylte forhold mot trafikksikkerheit. Tunsbergtunnelen var regulert med stigning over gjeldane krav på 5 % (6,7 %). I tillegg låg tunnelen i ein kurve utan sikt til forbikøyring. Dagstrekninga mellom tunnelane vart også vurdert esom risikoutsette.; bl.a for ras. påkøyrsel og kollisjon med vilt.

Statens vegvesen har på bakgrunn av dette, omprosjektert strekninga mellom Seim og Svelgane ved å slå saman dei to tunnelane, til ein lang tunnel på 4080 m - Tunsbergtunnelen. All vegbygging i dagen på Seim og ved Svelgane er gjort i samsvar med godkjent reguleringsplan.

Nye kostnadsvurderingar viste at lang tunnel kunne byggjast for same prisen som to tunnelar + 1500 m i dagen. Dette fordi vegparsellen no vart ca. 600 m kortare og at ein unngjekk to tunnelpåhogg-/ portalar.
Tunsbergtunnelen vart bygd med profil T8,5 og har ei stigning på 5,07%.