Tunnel gjennom Stedjeberget omfattar ein tunnel på 2,1 km, 1,2 km ny veg i dagen og ein turveg på 0,6 km. Prosjektet var planlagt ferdig mai 2007, men opna 30. mars, nesten to månader før planlagt.

Kostnaden med tunnel gjennom Stedjeberget er rekna til 180 mill. 2007-kroner.

Tunnelmassane har i hovudsak vore nytta til turveg og til utfylling for badeplass for Sogndal kommune.

Med Stedjebergtunnelen er første steg i rastryggingsarbeidet mellom Sogndal og Leikanger ferdig. Andre steg på strekninga er bygging av Fatlatunnelen. Her startar tunnelarbeidet like etter påske 2007. Når Fatlatunnelen opnar i 2008 kan vegfarande ferdast mellom Sogndal og Leikanger utan frykt for ras og stengt veg.