Reguleringsplan for ny trasé for rv. 565 over Radøy til offentleg ettersyn

Framlegg til reguleringsplan for rv.565 Tolleshaug-Soltveit, med arm til Manger med Konsekvensutgreiing (KU) vart med heimel i plan- og bygningslova si § 27-1 lagt ut til offentleg ettersyn av planutvalet i Radøy kommune, sak 054/09 i møte den 26. mai 2009. [10.06.2009]

Reguleringsføremålet i planen vert i hovudsak offentleg trafikkområde, men det vert også nytta anna føremål der det er naudsynt for gjennomføring av reguleringsplanen. Planen er lagt ut til offentleg ettersyn på rådhuset på Manger og på heimesidene www.radoy.kommune.no og på vegvesen.no (lenke nederst på denne sida).

Merknadar til planframlegget må sendast skriftleg til:
Radøy kommune, Krossvegen 8, 5936 Manger,
eller til postmottak@radoy.kommune.no.

Nærare informasjon kan ein og få ved å ringa 56 34 90 00.
Frist for merknadar er sett til 10. august 2009.