Parsellen rv. 57 Espeland-Herland startar ved Tredalseggi dit det er gul stripe i dag. Her er mykje trafikk ettersom dette er hovudvegen til Mongstad og bygdene nord for Seim. Årsdøgntrafikken er om lag 5000 køyretøy, av dette 10% tungtrafikk.

Parsellen omfattar bygging av veg i dagen og to tunnelar med tilhøyrande portalar. Den eine tunnelen skal munne ut i den eksisterande Herlandstunnelen, som skal utvidast til fri høgde på 4,5 meter. Vidare skal det byggjast fleire mindre bruer og undergangar. Samla lengde på den nye parsellen er omlag 2 km, vegbreidda vert 8,5 meter.