Fakta om strekninga

• Strekning: Oanes-Sauda-Horda
• Vegnummer: Rv.13, Fv.46/520
• Lengde: 183 km
• Kommunar: Forsand, Strand, Hjelmeland, Suldal, Sauda og Odda (Hordaland)
• Fylke: Rogaland og Hordaland

Statens vegvesen har støtta eit næringsprosjekt knytt til Nasjonal turistveg Ryfylke saman med kommunane, fylkeskommunen og Fylkesmannen i Rogaland. Næringsprosjektet har fått merka turstigar, laga informasjonsplakatar og guider.

Ryfylke har eit mildt og nedbørrikt klima og frodig vegetasjon. Vegvesenet har laga planar for utsiktsrydding i tre etappar. Planane omfattar alle de fem vertskommunane. Det er gjennomført ryddingshogst i fleire sesongar. Mesteparten av arbeidet er koordinert av skogbruksleiaren i Suldal kommune. Dette er ikkje eit eingongsarbeid, men må gjentakast med jamne mellomrom for å halde utsikten frå vegen vedlike.