Risa gjer Solasplitten

Statens vegvesen har signert kontrakt med Risa AS om å byggje Solasplitten. Kontrakten er verd nesten 300 millionar kroner. [08.07.2010]

Det vart tidleg i mai klart at Risa hadde det lågaste tilbodet med ein sum på rundt 296 millionar kroner. Etter kontrollrekning er det no klart at Risa skal bygge Solasplitten.

Torsdag 8. juli vart kontrakten signert på  Statens vegvesen sitt prosjektkontor for Solasplitten

 – Vi satsar på å kome i gang med bygginga av vegen i løpet av september, seier Dag Johannes Daland i Statens vegvesen.

Riksveg 510 Solasplitten er ein ny veg mellom Stavanger lufthavn (Sømmevågen) og E39 nord på Forus. Vegen skal avlaste dagens fylkesveg 510 Nesbuvegen og gi ein god forbindelse mellom Stavanger lufthavn/Risavika og E39.