Det skal utviklast eit fastlandssamband mellom Sotra og Bergen som sikrar langsiktige gode og trygge kommunikasjonstilhøve for alle trafikkantgrupper og som legg grunnlag for vidare vekst og regional utvikling.

Oversiktkart over delprosjekt i Sotrasambandet.

Det skal og etablerast eit godt og framtidsretta vegnett nord-sør på Sotra som og kan vere del av eit framtidig ytre transportsamband i regionen. Kollektivtrafikken skal sikrast minst like god framkomst som biltrafikken og ha høg transportstandard for dei reisande. Det skal etablerast eit attraktivt og trygt gang-/sykkeltilbod mellom Sotra og Bergen og i lokalområda på Sotra.

Nytt/ utvida fastlandssamband skal vere framtidsretta, fleksibelt og mindre sårbart enn eksisterande samband.