Utsikt over Videdalen i Stryn med Nasjonal turistveg Gamle Strynefjellsvegen. ©Foto: Roger Ellingsen / Statens vegvesen

Den over 100 år gamle museumsvegen mellom aust og vest er ei oppleving i seg sjølv. Vegen er verna gjennom nasjonal verneplan for veger og bruer, og er eit historisk alternativ til den nye vegen over Strynefjellet. Vegen imponerar med handlaga murar av nøye tilhogd stein, lange rekkjer av stabbesteinar og gamle Jøl bru. Alt står som minnesmerke over slitet og yrkesstoltheita til bygdefolk og svenske rallarar.

Gamle Strynefjellsvegen var prøvestrekning for Nasjonale turistvegar i perioden 1994-1997. Vegen er stengt for trafikk om vinteren.