Fakta om strekninga

• Strekning: Grotli-Ospeli
• Lengde: 27 km
• Vegnummer: Fv. 258
• Kommunar: Skjåk og Stryn
• Fylke: Oppland, Sogn og Fjordane

Den gamle museumsvegen mellom aust og vest er ei museumsoppleving i seg sjølv. Vegen er verna gjennom nasjonal verneplan for veger og bruer, og er eit historisk alternativ til den nye vegen over Strynefjellet.

Vegen er meir enn hundre år gamal og imponerer med handlaga murar av nøye tilhogd stein, lange rekkjer av stabbesteinar og gamle Jøl bru.
Alt står som minnesmerke over slitet og yrkesstoltheita til bygdefolk og svenske rallarar.

Gamle Strynefjellsvegen var prøvestrekning for nasjonale turistvegar mellom 1994 og 1997. Vegen er stengt for trafikk om vinteren.

Prosjekt Statens vegvesen har ytt bistand til:

• Tilskot til Stryn Sommerskisenter på ein million kroner i samband med opprusting i 1997. Dette var eit spleiselag med eigar og kommunen, som og bidrog med ein million kroner kvar.

• Tilskot til kultursti ved Grotli.

Utmerkingar til strekninga:

• Statens byggeskikkpris 1998:
• Reiselivsprosjektet i Oppland og Sogn og Fjordane