4 vil bygge T-forbindelsen

AF Gruppen AS hadde det lågaste tilbodet då det var tilbodsopning på vegsambandet T-forbindelsen mellom Karmøy, Tysvær og Haugesund. [26.05.2009]

Totalt fire entreprenørar hadde levert inn tilbod då Statens vegvesen opna tilboda kl. 13.00 26. mai. Det skilde drøye 110 mill. kr mellom det høgaste og lågaste tilbodet.
AF Gruppen Norge AS var lågast med 878,2 millionar kr. Nærast var Skanska Norge AS med 896,9 millionar kr.

– Det lågaste tilbodet ligg omtrent der vi venta at prisen skulle ligge, seier prosjektleiar Rune Sandven.

No skal ein gjennomgå og kontrollrekne tilboda før endeleg avgjerd blir tatt.

– Kontrakten med entreprenøren blir underskrive i løpet av juli eller august, litt avhengig av ferieavvikling. Anleggsarbeidet startar deretter så fort råd er, fortel Sandven.  

Dette er den første og største av totalt fem entreprisar i prosjektet. Entreprisen inkluderer bygging av ca. 4,5 kilometer veg i dag og til saman 8,9 kilometer med undersjøiske tunnelar.

T-forbindelsen skal etter planen stå ferdig tidleg 2013.