T-forbindelsen passerte statsråd

Det betyr truleg oppstart for arbeidet til våren neste år og eit ferdig nytt vegsamband i overgangen mellom 2012 og 2013. [20.06.2008]

Fredag 20. juni vart det gjort framlegg om utbygging og finansiering av vegprosjektet T-forbindelsen.

No manglar berre det endelege vedtaket i Stortinget. Det skjer ikkje før til hausten. Likevel tyder alt no på at arbeidet med å byggje T-forbindelsen er mindre enn eitt år unna.

– Anleggsarbeidet skal ta til våren  2009, og prosjektet kan opnast for trafikk rundt årsskiftet 2012/2013, seier statsminister Jens Stoltenberg og samferdselsminister Liv Signe Navarsete,  ifølgje ei pressemelding frå Samferdselsdepartementet.

Over sommaren og utover hausten kjem Statens vegvesen til å arbeide med konkurransegrunnlaget som skal ut på tilbod.

- Vi satsar på å ha det ferdig rundt årsskiftet og lyse det ut i januar 2009, seier prosjektleiar i Statens vegvesen, Rune Sandven.

- Greier ein det, kan ein byrje anleggsarbeidet i mai neste år.