Tilrettelagd teoriprøve med sensor
Ved ei tilrettelagd teoriprøve (munnleg teoriprøve) sit du saman med ein sensor i eit eige rom.
Du får hjelp av sensor
Ved ei tilrettelagd teoriprøve (munnleg teoriprøve) sit du saman med sensor i eit eige rom. Prøva vil bli tilpassa deg og dei behova du har, men målet er at sensor skal hjelpe deg å forstå spørsmåla og svaralternativa.
Lydstøtte
Ønskjer du berre å få lest opp oppgåvene og svaralternativa på bokmål, uten å vere på eit eige rom, er dette tilgjengeleg utan å søkje om tilrettelagd teori. Du kan be om å få delt ut hovudtelefonarpå trafikkstasjonen.
Du må leggje ved dokumentasjon når du søkjer
Når du søkjer om tilrettelagd teoriprøve må du leggje ved dokumentasjon. Det kan vere frå fastlegen din, logoped, PP-tenesta eller ein lærar som kan stadfeste at du treng tilrettelegging.
Gjennomføring av tilrettelagd teoriprøve på engelsk
Ønskjer du å gjennomføre tilrettelagd teoriprøve med sensor på engelsk, kan dette gjerast på enkelte trafikkstasjonar. Finn du ikkje den lokale trafikkstasjonen din på lista må du søkje om tilrettelagd teori med tolk og sensor.
Trafikkstasjonar med tilbod om engelsktalande sensor
Trafikkstasjonar i aust
Trafikkstasjonar i midt
Trafikkstasjonar i vest
Slik går du fram for å få tilrettelagd teoriprøve
Søk om førarkort
Du må søkja om førarkort før du søkjer om tilrettelagd teoriprøve.
Søk om tilrettelagd teoriprøve
Fyll ut dette skjemaet for å søkje om å ta tilrettelagd teoriprøve. Du kan ikkje bestille time før søknaden er godkjend.
Dei fleste får svar på søknaden sin innan to veker, men det kan ta opptil fire veker.
Bestille time til teoriprøve
Når søknaden din er godkjend, må du logge inn på Di side for å bestille time til teoriprøve.