Vinterkøyring

Gode tips til deg som skal køyre på vinterføre.

Fotograf: Eline Karlsdatter Fladseth / Visit Northwest

Køyr fint

På vinteren er det mørkare, kaldare, våtare og glattare på vegane. Respekter køyreforholda, ver merksam og køyr fint. Følg med i spegelen og slepp andre forbi.

Sjekk alltid trafikkmeldingar og vêrmeldinga før du byrjar å køyre.

Om du opplev ein trafikkfarleg situasjon, kan du ringe vegtrafikksentralane på 175.

Gaularfjellet. Foto: Nasjonale turistveger / Statens vegvesen

Køyrer du leigebil?

Då køyrer du kanskje ein bil du ikkje kjenner så godt. Gjer deg kjend med korleis bilen fungerer før du køyrer på vinterføre. Kontakt utleigeselskapet om du er usikker på noko.

Krevjande køyreforhold

  • Tilpass farten etter køyreforholda. Hugs at bremselengda er mykje lengre på glatt føre.
  • Ver obs på underkjølt regn når temperaturen fell under null grader.
  • Hald godt til høgre, spesielt på smale og snødekte vegar.
  • Bruk lågt gir i bratte nedoverbakkar. Følg skiltinga.
  • Følg med på skilt som varslar is, skred, stengde vegar og liknande.
  • Du bør ikkje bruke cruisekontroll ved krevjande køyreforhold eller om du køyrer på ukjende vintervegar.
Valdresflye om vinteren. Foto: Nasjonale turistveger / Statens vegvesen

Utstyr i bilen på lengre turar

  • Nødtrekant og refleksvest skal vere lett tilgjengeleg i bilen.
  • Pakk med deg varme klede, lommelykt, teppe og mat.
  • Ha med spade, slepetau, låsolje og startkablar.
  • Hugs å fylle drivstoff eller sørge for å ha nok straum, særleg før fjellovergangar.
  • Vinterdekka må ha minst 3 mm mønsterdjupne og rett trykk.
Varseltrekant må ein ha i bilen. Foto: Colourbox

Ver merksam når mørket fell på

  • Fjern snø og is frå bilen slik at du ser og er synleg. Hugs også taket på bilen.
  • Sjekk at lysa er på både framme og bak.
  • Ha alltid på refleksvest når du går ut av bilen langs vegen.
  • Mange viltulykker skjer i overgangane mellom dag og natt. Senk farten og køyr varsamt!
Rondane. Foto: Nasjonale turistveger / Statens vegvesen

Kolonnekøyring

Kolonnekøyring vil seie at bilar må køyre samla bak ein leiebil, ofte på grunn av dårleg vêr på fjellovergangar eller ved vegarbeid.

  • Følg skilting og instruksjonar frå trafikkdirigentar.
  • Aldri køyr forbi leiebilen eller snu før de er framme.
  • Hald god avstand til bilen framfor deg, men ikkje meir enn at du framleis ser baklysa.
  • Ikkje forlat bilen om du må stoppe i ein kolonne. Det kan vere livsfarleg.

Slik køyrer du i kolonne

Brøytebil på Valdresflye. Foto: Nasjonale turistveger / Statens vegvesen

Uhell langs vegen

  • Politi: 112 (akutthjelp) / 02800 (andre alvorlege hendingar)
  • Brann: 110
  • Ambulanse: 113
  • Vegtrafikksentralane: 175. Meld frå om trafikkfarlege situasjonar, som til dømes gjenstandar i vegen, bilstans eller skade på veg.

Om du møter eit utrykkingskøyretøy, må du senke farten, bruke blinklys og som hovudregel køyre til høgre side.

Fyrst på ulykkesstaden

Brann i tunnel