Vegen til Stordalen er stengt på grunn av ras
Store mengder stein har rasa ned på fylkesveg 381 ved Fossesvingane i Matre. Skadeomfanget er så stort at vegen vil bli stengt til ut i neste veke.
Geolog har vore på staden. Ryddearbeidet startar i morgon, men på grunn av dårlege meldingar vil det bli vurdert fortløpande om det er trygt for mannskap å arbeide i området gjennom helga.
– Vegen har fått store skader som følge av raset, og det ligg framleis steinmassar att oppe i fjellsida. Vi vil gjere ein ny vurdering av skredområdet måndag klokka ti, seier Marianne Kråkenes Jørgensen, prosjektleiar for driftskontrakta i dette området.
Vegen er stengt mellom utsiktsposten og Fossesvingane. Omkøyring er via E39 til Oppedal, vidare på fv. 92 på Høyanger sørside og opp Stordalen ved Bjordal.
Kontaktperson:
Marianne Kråkenes Jørgensen
Prosjektleiar for driftskontrakt Nordhordland
Epost: mariann.jorgensen@vegvesen.no
Tlf: 950 88 763