Mange som møtte opp på folkemøta
I samarbeid med Vaksdal kommune arrangerte fellesprosjektet Arna-Stanghelle nyleg opne informasjonsmøte på Stanghelle og Vaksdal. Begge stader var det kring hundre interesserte som møtte fram.
Føremålet med møta var å informere om status i prosjektet, svare på spørsmål og få innspel frå publikum.
Start på arbeidet med statleg reguleringsplan
Prosjektet hadde eit tilsvarande møte i mai i fjor, og i samband med høyringa til planprogrammet.
Prosessen med å godkjenne programmet går sin gong, og parallelt har ein no engasjert konsulentar til å utforme den statlege reguleringsplanen.
-Arbeidet med reguleringsplanen er omfattande, og meir enn 30 fagområde vil vere involvert hos konsulenten. Det komande året vil gå med til å utarbeide reguleringsplanen og målet er å ha planen klar til høyring til midten av 2020, seier Gunnar Søderholm som er prosjektleiar i Statens vegvesen.
Uroa for støy
Både på Stanghelle og Vaksdal kom det spørsmål om støy i byggefasen og når alt står ferdig. Prosjektleiinga ga lovnader om grundig utgreiing om temaet i reguleringsplanfasen.
-Det blir gjennomført støy-, strukturlyd- og vibrasjonsberekningar for dagsonene til veg og bane, med tilråding til støyreduserande tiltak der det er naudsynt, sa dei.
Illustrasjonar og 3D-modell
Fleire var interessert i korleis konstruksjonane vil sjå ut i landskapet og etterlyste illustrasjonar av dette. Illustrasjonar vil kome etterkvart og ein kan truleg få utarbeidd ein 3D-modell mot slutten av dette året. Ein vil då invitere til nye folkemøte.
Her er presentasjonen som blei heldt på folkemøta.
