Utviding av plangrensa for reguleringsplanarbeid for E134 Vestre Vesåsvegen–Verpet
Bakgrunn for utviding av plangrensa er at det er naudsynt med noko meir areal enn fyrst anteke.
Statens vegvesen varslar om utviding av plangrensa for pågåande reguleringsplanarbeid på E134 på strekninga Vestre Vesåsvegen – Verpet i Bøgrend, jamfør plan- og bygningslova §§ 12-3 og 12-8. Vi visar òg til varslingsbrev av 21.03.2025.
Bakgrunn for utviding av plangrensa er at det er naudsynt med noko meir areal enn fyrst anteke. Planområdet utvidast fem stadar.
Ved Jamsgard og Midtun skal vi sjå på moglegheit for omlegging av åtkomstveg. Utbetring av jordbruksareal skal vurderast ved Jamsgard og Høgetveit. Ved Bø er det aktuelt med busshaldeplass. Utvidinga av planområdet er vist med raud line i kartskisse. Svart line er tidlegare kunngjort plangrense.
Tilleggskunngjeringa har eit areal på ~20 daa, og omfattar delar av følgande gnr/bnr: 57/1, 57/6, 59/1og 59/5. Etter utvidinga har planområdet eit samla areal på om lag 190 daa.
Last ned
Planprosess, framdrift og frist for innspel/merknader
Merknader til planarbeidet sendast skriftleg til Statens vegvesen innan 30.09.2025 anten på brev til:
- Statens vegvesen, postboks 1010 Nordre Ål, 2605 Lillehammer eller på
- e-post til firmapost@vegvesen.no
Merk brevet eller e-posten med saksnr. 24/324888
Når merknadsfristen er ute vil Statens vegvesen gå gjennom merknader og innspel. Merknader og innspel vil ikkje bli svart ut direkte, men vil bli kommentert og vurdert i plandokumenta. Planforslaget vil bli lagt ut til høyring og offentleg ettersyn, og det blir mogleg å komme med merknader og motsegn til forslaget før vidare politisk handsaming. Det er eit mål at planen blir vedteke i løpet av vinteren 2025/2026.
Ta gjerne kontakt
Eventuelle spørsmål til planarbeidet kan rettast til planleggingsleiar Turid Hagelia Korshavn, mobil 930 96 282, e-post: turid.hagelia.korshavn@vegvesen.no