E39 Skredestranda, skredsikring

Føremålet med planen er å sikre E39 langs Skredestranda for ras, det er 8 punkt som skal sikrast. Tiltak som rasvollar der skred blir fanga bak vollen og ført under E39 i kulvert er aktuelle på dei fleste punkta. Etablering av bru der skredet blir ført under brua er også aktuell løysing.

Hornindalsvassdraget er eit verna vassdrag i verneplan I. Flaumløpa er del av nedslagsfeltet til vassdraget og tiltaka kjem nær Hornindalsvatnet. I samråd med Stad kommune har Statens vegvesen vurdert at prosjektet utløyser krav om konsekvensutgreiing i samsvar med Forskrift om konsekvensutgreiingar, §8, bokstav a) og §10, innan fagtema naturmangfald og landskap.

Avgrensing av planområdet er vist på vedlagt kart og reguleringsplanen vil bli utarbeida innanfor dette området. Planforslaget blir sendt på høyring til alle berørte partar.

Området er rasfarleg. Dei siste åra har det vore fleire store skredhendingar som har ført til stenging av veg og skade på både terreng og vegbane. Målet med planarbeidet er å regulere areal som kan ervervast for å kunne bygge rasvollar og eventuelt magasin. Det skal også byggast ei bru og stikkrenner/kulvertar skal bytast ut om det er nødvendig i forhold til dimensjon. Det skal ikkje gjerast tiltak på E39, men i samband med bygging av brua og stikkrenner/kulvertar kan det bli gjort mindre tilpassingar på vegen.

Målet med tiltaket er ein skredsikker veg, som dermed gjev ein meir trafikksikker veg og ein veg med betre framkomst.

• Plankart (PDF)
• Planomtale (PDF, 14 MB)
• ROS-analyse – Skredestranda (PDF, 6 MB)
• Arealoversikt (PDF)
• Bruteikning (PDF)
• Føresegner (PDF)
• Hydrologisk rapport (PDF, 10 MB)
• Vurdering av sikring langs Skredestranda (PDF, 15 MB)
• Oppdatert vurdering av sikring for reguleringsplan (PDF)
• Løysing 1 (PDF)
• Løysing 2 (PDF)

Lenke til Stad kommune si side, med alle dokument i saka finn du her.

 Melding om vedtak - Detaljregulering for skredsikring av E39 Skredestranda, Stad kommune.pdf