Detaljreguleringsplan for rv. 9 Kvervesjå–Vamark er lagd ut til høyring
Planforslaget for strekninga langs rv. 9 er lagd ut til høyring og offentleg ettersyn fram til 28. mai.
Statens vegvesen legg, i samsvar med plan- og bygningslova § 12-10 og § 3-7, framlegg til detaljreguleringsplan for rv. 9 Kvervesjå–Vamark i Vinje kommune ut til høyring og offentleg ettersyn.
Formålet med prosjektet er å gjere vegen meir trafikksikker og i tråd med gjeldande krav. Det har vore mange ulykker i området, særleg utforkøyringar. Planen legg opp til vegstandard Hø1 med 7,5 meter bredde. Dette vil gi auka trafikksikkerheit, betre framkomst, enklare drift og noko lågare klimautslepp. Planforslaget legg i stor grad opp til utbetring av eksisterande veg.
Alle plandokumenta finn du her.
Send inn merknader
Merknader til planframlegget må sendast skriftleg innan 28. mai 2026 til:
Statens vegvesen
Postboks 1010 Nordre Ål
2605 Lillehammer
eller på e-post: firmapost@vegvesen.no
Merk innspelet med saksnr. 25/35252.
Vidare saksgang
Når høyringsfristen er ute, vil Statens vegvesen lage ei oppsummering av merknadene som er komne inn. Planframlegget kan bli justert før planen og dei innkomne merknadene blir sende kommunen for politisk handsaming.
Spørsmål om planarbeidet?
Har du spørsmål til planarbeidet, kan du kontakte planleggingsleiar Pål Helge Paulsen på mobil 90227038 eller på e-post: paal.paulsen@vegvesen.no.