No er fleire nøkkelstillingar ute i Noregs største tunnelprosjekt
Prosjekteringa av hovudentreprisane i Fellesprosjektet Arna-Stanghelle startar i 2026, og prosjektet søker dyktige folk til fleire nøkkelstillingar.
Oversikt over stillingane som er lyst ut no, resterade kjem på nyåret:
- Prosjekteringsleiar konstruksjon
- Prosjekteringsleiar
- Fagansvarleg ingeniørgeolog
- Fagansvarlig geomatikk
– 2026 startar med eit brak! Vi skal endeleg i gang med prosjektering av hovudentreprisane våre, og det hastar med å få desse stillingane på plass. Vi inngår ein stor rådgjevingskontrakt i første kvartal, og då må vi ha prosjekteringsleiarar klare, seier Erstad.
Skal leie prosjekteringa av veg- og banetunnelane
Dei fire prosjekteringsleiarane blir tilsette i anten Bane NOR eller Statens vegvesen – ei unik moglegheit til å jobbe for to av landets største byggherrar i eitt og same prosjekt.
– Prosjekteringsleiarane har ei nøkkelrolle. Dei skal leie prosjekteringa av hovudentreprisane og følgje opp arbeidet til rådgjevar. Målet er å sikre gode, optimaliserte og byggbare løysingar som oppfyller krav til sikkerheit, kostnader, ytre miljø, framdrift og kvalitet, forklarar Erstad.
I stillinga som fagansvarleg ingeniørgeolog kjem du inn rett før vi startar bygging av den første tunnelentreprisen for anleggs- og tilkomstunnelar. Bygginga startar allereie hausten 2026.
– Fagansvarleg ingeniørgeolog blir ein nøkkelperson i planlegginga og den praktiske gjennomføring av den første tunnelkontrakten , seier Erstad.
Fleire stillingar kjem ut i januar
I tillegg til stillingane omtala her kjem og fleire stillingar ut på nyåret, mellom anna søker prosjektet byggjeleiar.
– Vi i gang med oppbemanning, og fleire stillingar for gjennomføring av prosjektet vert lyst ut i første kvartal 2026, seier Erstad, som oppmodar folk til å følje med og sende søknad.
Dette skjer i 2026
I tillegg til prosjektering av hovudentreprisane, startar fleire viktige arbeid opp neste år:
- Sikring av tre eksisterande jernbanetunnelar
- Etablering av riggområde på Dalehagen
- Bygging av ny kontroll- og vektplass på Furnestreet
- Oppstart av den første tunnelentreprisen i prosjektet for anleggstunnelar
Prosjektet skal også flytte frå Bergen sentrum til Arna, der bygginga av nytt anleggskontor startar i 2026.
