Varsel om oppstart av planarbeid. Reguleringsplan E39 Østenstad
Statens vegvesen skal i samråd med Sunnfjord kommune i gang med å lage detaljreguleringsplan for det nemnde prosjektet. Frist er 19.10.2026.
Vi ber med dette om innspel til arbeidet. Frist for innspel er 19.10.2026.
Skildring av prosjektet
Statens vegvesen planlegg å utbetre strekninga E39 Moskog–Jølstraholmen. Planarbeidet vil bli delt opp i fleire delstrekningar. Det fyrste reguleringsplanarbeidet som blir sett i gang, og som denne oppstartsmeldinga er gjeldande for, er i tilknyting til Østenstad bru. Dette kjem av at brua har dårlegast standard og står i fare for å få redusert bereevne.
Prosjektet skal sikre framkomst og trafikksikkerheit på strekninga. Eksisterande veg er for smal til gul midtline, har svake vegskuldrar og dårleg vegkurvatur. Strekninga mellom Moskog og Jølstraholmen har siste åra vore utsett for fleire hendingar der store køyretøy og bussar har køyrt av vegen og velta.
Prosjektet har følgjande samfunnsmål
- Meir trafikksikker veg og redusert tal trafikkulukker. Betre framkome. Betre tilhøva for brukarar av kollektivtransport. Betre forhold for gåande og syklande. Meir for pengane.
- Styrka beredskap og infrastruktur. Tiltaket med Østenstad bru er eit ledd i Statens vegvesen sitt ansvar for å sikra ein robust infrastruktur, kor bruer på viktige europavegar som E39 toler moderne, tunge køyretøy utan avgrensingar. Dette er også viktig i eit militært beredskapsperspektiv.
Kva skal gjerast
Prosjektet planlegg for utbetring av eksisterande E39 med eit breiare tverrprofil samt utskifting av Østenstad bru. Planarbeidet vil også omfatte vurdering av moglegheita for omlegging av elveløp ved Østenstad då elva her går kloss i eksisterande veg. Prosjektet skal også planlegge for utbetring av kollektivhaldeplassar, betre tilhøvet for mjuke trafikantar og vurdere avkøyrsletilhøve og sideterreng på strekninga.
Det er vurdert til at reguleringsplanarbeidet ikkje utløyser krav om konsekvensutgreiing i høve «Forskrift om konsekvensutredninger».
Den skriftlege vurderinga finn du her:
Planområdet
Planområdet er om lag 59 daa og omfattar om lag 0,7 km av vegstrekninga mellom Østenstad og Eikåsmyrane i Sunnfjord kommune. Vegstrekninga går langs både skog, myr, utbygd areal og dyrka mark. Innanfor planområdet er deler av Den Trondhjemske postveg registrert som sannsynleg trasê.
Framdrift og frist for innspel
Vi ber om at de sender synspunkt, innspel eller relevante opplysningar til oss skriftleg innan
19.10.2026 til:
eller
Statens vegvesen
Pb. 1010 Nordre Ål
2605 LILLEHAMMER
Merk innspel med saksnummer «26/47148»
Aktuelt regelverk
Dette varselet er sendt ut i samsvar med Plan- og bygningslova § 12-8. Planen vert utarbeidd etter §§12-3 og 3-7.
Har du spørsmål eller ynskjer å ta ein prat med oss kan du ta kontakt med:
- Planleggingsleiar Runa Aaland Eggum
Tlf 95 75 61 06 eller e-post:
- Prosjektleiar Sonja Irene Rosenlid Fjellkårstad
Tlf 99 16 58 57 eller e-post: