Nytt køyremønster på E39 i Veibustkrysset

Publisert

Køyremønsteret på E39 blir lagt om i Veibustkrysset natt til tysdag. No skal trafikken gå på den midlertidige omkøyringsvegen på sørsida av Vegsundbrua.

Trafikken på E39 blir i natt lagt om til den nyasfalterte omkøyringsvegen opp til Vegsundbrua. Deretter starter arbeidet med å rive undergangen på den stengte strekninga og bygge ein større bru som gir bedre plass for lokaltrafikken under E39.
Trafikken på E39 blir i natt lagt om til den nyasfalterte omkøyringsvegen opp til Vegsundbrua. Deretter starter arbeidet med å rive undergangen på den stengte strekninga og bygge ein større bru som gir bedre plass for lokaltrafikken under E39. Foto: Amy Elise Floen Alnes

- Vi legg om trafikken rundt midtnatt, så når folk skal på jobb i morgon tidleg, blir det køyring på den nye omkøyringsvegen, seier byggeleiar Ingar Walbø i Statens vegvesen.

Omlegginga er nødvendig for å komme i gang med neste steg i bygginga av ny bru under E39 tilpassa toplanskryss for nye på- og avkøyringsrampar.

- Arbeidet med å rive den gamle undergangsbrua i Veibustkrysset startar så fort som mogleg, og det er venta at arbeidet med å bygge ny bru vil vare i ca. fire månader. Så omkøyringsvegen vi no tar i bruk, skal ta unna trafikken fram til årsskiftet, seier Walbø.

Fleire fasar

Då blir E39-trafikken lagt tilbake igjen over ny bru for lokaltrafikken. Så vil ferdigstilling av av- og påkøyringsramper og fjerning av omkøyringsveg og arbeid i sideterreng pågå fram til anlegget står ferdig på forsommeren 2027.

Busengdal er hovedentreprenør på veganlegget i Veibustkrysset, og arbeidet har hatt jamn og god framdrift.