Registrering av ambassadekøyretøy
Ambassader, diplomatar og konsulære tenestemenn kan registrere køyretøy med CD-skilt.
Reglar for registrering av ambassadekøyretøy:
- Ambassaden kan registrere så mange køyretøy som er rimeleg i forhold til storleiken på ambassaden. Utanriksdepartementet fastset dette.
- Diplomatar kan registrere eitt køyretøy, eller to om dei har med ektefelle, partnar eller sambuar.
- Administrativt og teknisk personale kan registrere eitt køyretøy i løpet av tenestetida i Noreg.
Godkjenning av importerte køyretøy
Importerte køyretøy må godkjennast av Statens vegvesen før dei kan registrerast som ambassadekøyretøy.
Time for enkeltgodkjenning må bestillast på førehand. Ta med all nødvendig dokumentasjon til kontrollen. Bestill kontroll ved Risløkka trafikkstasjon. Har du norsk ID-nummer, kan du logge inn og bestille på nett.
Du kan også bestille kontrolltime på telefon
Registrering av godkjende køyretøy
Du registrerer køyretøyet ved Risløkka trafikkstasjon. Du må bestille time på førehand.
Ta med
- gyldig legitimasjon
- ID-kort frå Utenriksdepartementet (på engelsk, regjeringen.no)
- «Application for duty-free import» eller brev frå ambassadør som stadfestar søknaden og oppgir namn og stilling
Når tenestetida er over
Dersom køyretøyet ikkje blir overført til ein ny eigar ved same ambassade, må CD-skilt leverast tilbake til Statens vegvesen.
Skilta blir leverte til ein trafikkstasjon for makulering. Les meir om innlevering av skilt på sida til trafikkstasjonen din eller bestill time.