Få tilgang til tenester via Altinn

Du kan bruke tenester frå Statens vegvesen på vegner av ei verksemd. Det føreset at du har fått tilgang til tenestene i Altinn.

Det kjem endringar i korleis du administrerer fullmakter og tilganger når Altinn blir oppgradert frå gamal Altinn til nye Altinn.

Kva blir nytt?

  • Tenester frå Statens vegvesen får nye namn. 
  • Altinn-roller blir erstatta av tilgangspakker, som må delegerast slik du tidlegare delegerte roller.
  • Delegering av enkelttenester må gjerast på nytt.

Vi vil snart komme med brukarrettleiingar og informasjon om overgangen til dei nye tenestene.

Nye Altinn (altinn.no)

Tilgang på vegner av verksemda

Verksemda må sjølv administrere og vedlikehalde fullmakter i Altinn til tilsette som skal ha fullmakter. Statens vegvesen kan ikkje endre fullmakter som ligg i Altinn-systemet eller hente ut lister over dei.

Få oversikt over dagens delegeringar

Dersom du har rolla Tilgangsstyring eller Hovudadministrator i Altinn kan du hente ut oversikt over alle delegerte tilgangar i verksemda di. 

Du får ei ZIP-fil med to CSV-filer (som du opnar i Excel):

  • ei fil med alle delegerte enkelttenester
  • ei fil med alle delegerte roller

Slik hentar du ned dagens delegeringar (tilgangar): 

  1. Logg inn på altinn.no.
  2. Vel riktig verksemd (aktør).
  3. Gå til Profil (øvst i menyen).
  4. Velg Andre med rettar til verksemda.
  5. Klikk Last ned til fil.

Gi fullmakt

Du som er dagleg leiar, styreleiar eller ein annan med rolla «tilgangsstyring» i Altinn kan gi tilsette eller andre fullmakter til å handle på vegner av verksemda. Akkurat no er det berre mogleg å gi fullmakt til tilgangspakker i nye Altinn. 
Gi fullmakt til tilgangspakker (altinn.no)

Nye tilgangspakker

Nye Altinn har tilgangspakker som gir den tilsette fleire enkelttenester samla. Du kan gi ut fullmakt til fleire tilgangspakker no, men det å dele ut rettar til ei enkelt teneste fungerer ikkje enno.

Om vegvesen.no