Arbeid i rv. 13 Tunsbergtunnelen i Voss herad
Statens vegvesen gjer arbeid i rv. 13 Tunsbergtunnelen 16.-20. november.
– Vi skal oppgradera telefonisystemet i SOS-skapa, noko som er nødvendig for at trafikantar framleis skal kunna varsla Vegtrafikksentralen viss det skjer noko i tunnelen, seier byggjeleiar Mathias Riber Kronstad i Statens vegvesen.
Jobben startar måndag kveld.
Arbeider om natta for å minimera ulempene for trafikantane
Jobben vil finna stad på natt, klokka 21.00-06.00, den tida på døgnet då det er for minst trafikk. Dette for å minimera ulempene for trafikantane.
Det blir trafikkavvikling med ledebil. Trafikantar på må rekna med inntil 15 minutt ventetid.
Lærdalstunnelen
Rv. 13 er ein av omkøyringsvegane medan E16 Lærdalstunnelen vert oppgradert, ein jobb som startar 16. november, med stengjetid 18.00-06.00.
Mange vil kanskje lura på kvifor Statens vegvesen har arbeid på denne omkøyringsvegen i delar av det same tidsrommet.
– Då vil me for det første minna om at Tunsbergtunnelen ikkje på noko tidspunkt skal vera stengd dei fire nettene dette arbeidet varar. Ledebilen går kontinuerleg, understreker Kronstad.
– Og så vil me presisera at fortløpande nødvendig arbeid på vegnettet, slik som dette, er eit kontinuerleg arbeid som må gjerast heile året, i tillegg til store oppgraderingsprosjekt som det i Lærdalstunnelen, avsluttar Kronstad.